Wie met Vuur Speel

Die laaste uitweg is net 'n telefoonnommer.

Jy soek dit wanneer jy alles verloor het, as jou geluk en jou keuses heeltemal opgeraak het, as jy die verterende drang na wraak nie langer kan onderdruk nie.

Dan begin jy navrae doen. Miskien weet die skadu-agtige oud-polisieman waar om dit te kry, of die skimvriend van die prokureur. Dit sal twee, drie weke duur voor iets gebeur.

Dan sal jy dit met n kloppende hart neerskryf en met bewende hande skakel.

Dit sal lank lui. Te lank. Vir n oomblik sal jy wonder of dit nie maar net nog n stedelike legende is nie. Tot die mansstem antwoord, diep, ongeduldig en gesteurd. Ek het hulp nodig, sal jy s.

En daarna sal jou lewe nooit weer dieselfde wees nie.

 

Soos 'n Broer In die Tronk:

Deon s oor sy heel eerste roman:

Oor di boek, my eerste roman, voel ek baie soos iemand wat 'n broer in die tronk het - jy kan dit nie ontken nie, maar jy praat nie graag daaroor nie.

Toe ek dit so twee jaar na eerste publikasie weer lees, het ek besef dat dit (vir my) 'n tipiese eerste boek was: 'n Steil leerkurwe, met baie leemtes. Daarom was ek vir baie jare gekant teen 'n herdruk. Maar die versoeke van talle lesers het my laat herbesin. Dit word in 2007 herdruk - met 'n voorwoord wat die leser se begrip sal vra.