Onsigbaar

Lemmer se Eerste Algemene Wet: Moenie betrokke raak nie.

Hy pas dit veral toe in sy werk as vryskut-lyfwag by Body Armour, waar hy laag af is op die pryslys, want hy's die een met die kriminele rekord, die gebrekkige sosiale vaardighede en die baie kort humeur.

En wanneer die mooi, ryk Emma le Roux hom huur en begin vertel van onwaarskynlike bedreigings en 'n broer wat sy vas glo nŠ twintig jaar soos 'n Lazarus uit die dood uit opgestaan het, stof hy ook 'n ander ou Wet af: Moenie klein vroue vertrou nie.

Maar wat, welvarende mense lieg en as dit al gevaar is wat hy moet hanteer, dan vat hy die geld, baie dankie.

Daarom vlieg hy op 26 Desember saam met haar Laeveld toe - en sien hoe sy die windmeule van haar verlede sonder sukses bestorm. En al moet hy erken dat sy deursettingsvermoŽ het, dat sy nie te onaangenaam is vir 'n ryk mens nie, wil hy asseblief tog klaar kry en terug gaan Loxton toe om sy huis te gaan regmaak.

Maar dan lei hulle vir hom en Emma in 'n lokval, en in die chaos van vlug skiet hulle haar. Lemmer het nog nooit gefaal as 'n lyfwag nie. En hy besef hy gee dalk meer om vir die kleine Emma as wat hy wou erken.

Teen sy beterwete en elke wet wat hy oor veertig jaar gekonstateer het, begin hy krap. En onder die rasse- en politieke spanning, agter die ekologiese oorlog, die gierigheid en die korrupsie kry hy geheime wat iemand ten alle koste wil bewaar. Om hulle te identifiseer gaan lewensgevaarlik wees, om hulle te ontmasker kan internasionale implikasies hÍ.

Maar Lemmer is siek en sat daarvoor om onsigbaar te wees. Iemand moet betaal - en hy gaan nie rus voor diť rekening nie vereffen is nie.

WitrugaasvoŽl

Die skrywer met die WitrugaasvoŽl (White-backed Vulture / Gyps africanus) by die Moholoholo Rehabilitasie-sentrum. Hy probeer die vleis vashou (net soos Emma in die boek), maar die aasvoŽl is te sterk.

 

Gyps africanus is die mees wydverspreide en algemeenste aasvoŽl in Afrika, maar sy getalle is sterk aan die kwyn.

Die totale bevolking vir die kontinent word op 270 000 geskat. Net soos ander aasvoŽls, het die bevolking met 90% afgeneem in Wes-Afrika, en het dit heeltemal verdwyn in Ghana, met die uitsondering van die Mole Nasionale Park.

 

Die spesie se getalle het ook dramaties verminder in Soedan and Suid-Soedan, SomaliŽ and Kenia, maar is nog relatief stabiel in EthiopiŽ, TanzaniŽ, en in Suidelike Afrika, waar net sowat 40 000 nog oor is. - IUCN Red List